Le production de idiomas aspirante al universalitat es un section del linguistica aplicate qui ha conducte tante linguistos al dementia... e tante dementos al linguistica !Un sieclo e quarto post le publication del esperanto, paresce plus e plus van militar pro oltre esperantoidos e, a fortiori, lanciar nove projectos de tal linguas : considerando que tote le humanos assaz receptive a este concepto (que le escola classic ancora non admete e que le governos non sostene) son grupate ja so le bandiera del Doctor Zamenhof (creator del esperanto in 1887), alora como? formar real movimentos (de plus que 10 personas) pro su "concurrentes" posterior (ido, glosa, unitario, lidepla, etc.) e incluso anterior (volapük, de-que remane qualcun partisanos post 136 annos, malgrado su aspecto hermetic de dialecto hungarese o turc) ? Es evidente que necun tal divagation se potera constituer un organisation creibile, factor indispensabile pro su triunfo futur. Assi le rason nois impulsa a acceptar como lingua auxiliari mundial le esperanto original, benque se discerne imperfectiones in ello...
Ma, vos me dicera si vos es lector perspicace : que? promove nos apresente, sino un N-esme "lingua universal" ? Io consenti que interlingua fu publicate in 1951 como un alternativa del famose esperanto... e con resultato tan poc entusiasmante como pro le oltros ! Nonobstando, riformate, nostre latino moderne possede simultaneo realismo quanto a lo universal (cf. paragrafo precedente) e ambition moderate (unir "solment" le miliardo de membros del familia linguistic latin, qui lo entende quasi sen estudio). De maniera que ello pote arrivar rapido a su objectivo natural, si un association desvolpe un minimo de activitat pro faer lo aprobar : primo per personas influente, pois per le vaste publico de su utilisantes potential. E un idioma firmement apoiate sure un massa de un miliardo de gente es capabile de grande cosas, esque non ?
Si le esperanto e su aventuras vois interessa, io vois sugeri este libros e productos :
https://www.amazon.fr/gp/search/ref=as_li_qf_sp_sr_tl?ie=UTF8&tag=interland0f-21&keywords=langue-espéranto&index=aps&camp=1642&creative=6746&linkCode=ur2&linkId=a6269cae9b5db504a18a7dbf3a372703
Alexandre Rousset
Esperanto, Espérantoïdes
